बुधबार विश्व मौसम दिवस र पानी दिवस बिभिन्न कार्यक्रम गरि मनाईंदै ।।
१० चेत्र बुधबार २०७२
विश्व मौसम दिवस बुधबार
विभिन्न कार्यक्रम मनाईंदैछ । पानी दिवस पनि सँगै मनाइदैछ । दिवसका अवसरमा बुधबार
जलवायु परिवर्तनले पारेका असर र यसको रोमथामका विषयमा केन्द्रित रहेर अन्तरक्रिया, गोष्ठीलगायत
सचेतनामूलक कार्यक्रम हुँदैछन् । बढ्दो अव्यवस्थित शहरीकरण, जनसंख्या वृद्धि
र वातारण प्रदुषणका कारण जोखिम बढ्दै गएकाले यसको प्रभाव र न्यूनिकरणका लागि
अपनाउन सकिने उपायका बारेमा विशेष यस वर्षको दिवस केन्द्रित छ । विश्व मौसम संगठन
सम्बन्धि महसन्धी कार्यान्वयनमा आएपछि सन् १९५० देखि हरेक वर्ष मार्च २३ तारिखमा
मौसम दिवस मनाउने गरिन्छ । विश्व पानी दिवस हिजो भएपनि बुधबारै एक दिन मनाउन
लागिएको छ । दिवसमा ‘पानी र आजीविका’ ‘गर्मी खडेरी र
झरी ः सामना गर्ने गरौँ तयारी’ भन्ने मूल नारा तय गरिएको छ ।यसैबिचै काठमाडौंमा बुधबार
बालिका सम्मेलन हुँदैछ । महिला, बालबालिका तथा समाज कल्याण मन्त्रालयको आयोजनामा हुन लागेको
सम्मेलनको उद्घाटन राष्ट्रपति विद्यादेवी भण्डारीले गर्नुहुने भएको छ । सोल्टी
होटेलमा हुने कार्यक्रमको उद्घाटन बिहान १० हुने प्रवक्ता नारायणप्रसाद काफ्लेले
जानकारी दिनुभयो । बालविवाह न्यूनीकरणका लागि भएका कानुनी प्रावधान र त्यसको
कार्यान्वयन लगायतका विषयमा छलफल सम्मेलनमा गरिने मन्त्रालयका सहसचिव डा किरण
रुपाखेतीले जानकारी दिनुभयो । उहाँका अनुसार सम्मेलनमा बालबालिका, किशोरकिशोरी, युवा, समुदायका अगुवा, धार्मिक अगुवा, सरकारी तथा
अन्तराष्ट्रिय स्तरका व्यक्ति, विज्ञ तथा लैङ्गिक समानता, बालबालिका तथा किशोरकिशोरीको अधिकार र
सशक्तीकरणका क्षेत्रमा कार्यरत अधिकारकर्मीहरुको सहभागिता रहने छ ।
0 Response to "बुधबार विश्व मौसम दिवस र पानी दिवस बिभिन्न कार्यक्रम गरि मनाईंदै ।।"
Post a Comment