.

 देउवाले १८ सय २२ मत पाउनु भयो भने पौडेलले १२ सय ९६ मत पाउनु भयो । कुल ३१ सय २० मत खसेकोमा बाँकि मत बदर भएको छ । आइतबार भएको चुनावमा देउवा, पौडेल र अर्का उम्मेदवार कृष्णप्रसाद सिटौला कसैले पनि ५० प्रतिशतभन्दा धेरै मत नल्याएका कारण सोमबार दोश्रो चरणको मतदान भएको थियो । पहिलो चरणमा कम मत ल्याउने सिटौला बाहिरिएका कारण सोमबार देउवा र पौडेलबिच प्रतिस्पर्धा भएको हो ।उहाँ २०५७ सालमा  पोखरामा भएको दशौं महाधिबेशनदेखि कांग्रेसको सभापतिमा उठ्दै आउनु भएको थियो । २०५७ सालमा गिरिजाप्रसाद कोइरालासँग हारेका देउवाले २०६७ सालमा भएको बाह्रौं महाधिबेशनमा सुशील कोइरालासँग पराजय भोग्नु भएको थियो । २०६२ सालमा कांग्रेसको एघारौं महाधिबेशन हुनु अघि नै देउवाले नेपाली कांग्रेस त्यागेर नेपाली कांग्रेस प्रजातान्त्रिक स्थापना गर्नुभएको थियो । नेपाली कांग्रेस र नेपाली कांग्रेस प्रजातान्त्रिक एक भएपछि बाह्रौं महाधिबेशन भएको थियो । 
विसं २०५१ मा भएको मध्यावधि चुनावपछि उहाँ कांग्रेसको संसदीय दलको नेतामा चुनिनुभयो र विसं २०५२ मा पहिलो पटक नेपालको प्रधानमन्त्री बन्नुभयो । विसं २०५९ मा दोश्रो पटक प्रधानमन्त्री हुनुभएका उहाँ त्यसको दुई वर्षपछि २०६१ सालमा फेरि प्रधानमन्त्री बन्नुभएको थियो । तत्कालिन राजा ज्ञानेन्द्रले उहाँलाई असक्षम प्रधानमन्त्री भन्दै हटाएर शासन सत्ता आफ्नो हातमा लिएका थिए ।
देउवा सभापतिमा निर्वाचित भए लगत्तै सोमबारराती सञ्चारकर्मीसँग कुरा गर्दै उहाँका विश्वास पात्र मानिने बालकृष्ण खाँडले ओली नेतृत्वको सरकार परिवर्तन हुने बताउनुभएको हो ।कांग्रेस महाधिवेशनपछि सरकार परिवर्तन हुने चर्चा चलिरहेका बेला सभापतिको मत परिणाम सार्वजनिक भए लगत्तै देउवानिकट नेताहरुले राष्ट्रिय सरकार बनाउने बताएका हुन् ।अहिलेको सरकारले संविधान कार्यान्वायन गरेर देशलाई निकास दिन नसक्ने खाँडको भनाई छ ।