महामन्त्री र कोषाध्यक्षको मत गणना सुरु
२५ फागुन मंगलबार २०७२
नेपाली कांग्रेसको १३ औं महाधिवेशन
अन्तर्गत महामन्त्री र कोषाध्यक्ष चयनका लागि भएको चुनावको मतगणना सुरु भएको छ ।
मतगणना कांग्रेस केन्द्रिय कार्यालय सानेपामा सुरु भएको हो ।मतपरिणाम बेलुकीसम्ममा
सार्वजनिक हुने निर्वाचन समितिले जनाएको छ । महामन्त्रीमा शशांक कोइराला, अर्जुननरसिंह केसी र गगनकुमार थापा तथा
कोषाध्यक्षमा चित्रलेखा यादव, सीतादेवी यादव, उमाकान्त चौधरी र कृष्ण कार्की प्रतिष्पर्धामा
हुनुहुन्छ ।केसी र चित्रलेखा यादव शेरबहादुर देउवाको प्यानलबाट, थापा र चौधरी कृष्णप्रसाद सिटौला तथा कोइराला र
सितादेवी यादव रामचन्द्र पौडेलको प्यानलबाट प्रतिष्पर्धामा उत्रिनु भएको हो ।
कार्कीले भने एकल उम्मेदवारी दिनुभएको हो ।कांग्रेसको सभापतिमा देउवा निर्वाचित
भइसक्नु भएको छ । कोषध्यक्ष र महामन्त्रीको मतगणना सकेर केन्द्रिय सदस्यको मतगणना
गर्ने तयारी छ ।
0 Response to "महामन्त्री र कोषाध्यक्षको मत गणना सुरु"
Post a Comment