कांग्रेसको नयाँ नेतृत्वका लागि आईतबार चुनाव हुँदै , सभापति र महामन्त्रीका लागि त्रिपक्षीय भिडन्त।।
२३ फागुण आईतबार
२०७२
नेपाली
कांग्रेसको नयाँ नेतृत्वका लागि आईतबार चुनाव हुँदैछ । कांग्रेसमा नयाँ नेतृत्व चयनका
लागि आज दिउँसो ४ बजेसम्म निर्वाचनको समय तय तोकिएको छ । देशभर र विदेशस्थित
जनसम्पर्क समितिबाट चुनिएर आएका करिब ३२ सय प्रतिनिधीले पार्टी सभापतिसहितको ६४
सदस्यीय केन्द्रीय नेतृत्व चयनका लागि मतदान गर्नेछन् । ६४ पदका लागि ३ सय १२
जनाले उम्मेदवारी दिएका छन् । काठमाण्डुको सभागृहमा मतदान प्रक्रिया सुरु हुँदैछ ।
निर्वाचन समितिमा सचिव प्रदीप पराजुलीले ९ बजेभित्र मतदान सुरु हुने जानकारी
दिनुभयो । सभापति, १ महामन्त्री,
१ कोषाध्यक्ष सहित खुला, महिला, प्रदेश र समावेशी
सहितको केन्द्रीय सदस्य गरी ६४ पदका लागि निर्वाचन हुनेछ । पदाधिकारीको ३ पदमा १०
जना सहित ३ सय १२ जना उम्मेदवार छन् । मतदानका लागि ९ किसिमको मत्रपत्र तयार
पारिएको पराजुलीले जानकारी दिनुभयो । बाँकी ७ वटा छुट्टा छुट्टै मत पत्र खुला,
महिला खुला, आदिवासी जनजाति, मुस्लिम, मधेसी, दलित र प्रदेशबाट छानिने केन्द्रिीय सदस्यका
लागि तयार पारिएको छ । अपरान्ह ४ बजेसम्म
मतदान सक्न सभागृह भित्र १ सय २५ वटा गोप्य मतदान बुथ बनाइएको उहाँले जानकारी
दिनुभयो ।
यसैबिच
कांग्रेसको सभापति र महामन्त्रीका लागि त्रिपक्षीय भिडन्त हुने भएको छ । सभापतिमा
कार्यवाहक सभापति रामचन्द्र पौडेल, बरिष्ठ नेता
शेरबहादुर देउवा र महामन्त्री कृष्णप्रसाद सिटौला प्रतिस्पर्धामा उत्रिनु भएको छ ।
सभापतिमा ५० प्रतिशतभन्दा एक मत बढी
ल्याउनुपर्ने हुन्छ ।
0 Response to "कांग्रेसको नयाँ नेतृत्वका लागि आईतबार चुनाव हुँदै , सभापति र महामन्त्रीका लागि त्रिपक्षीय भिडन्त।।"
Post a Comment