पुरानागाउँका महिलाले सञ्चालन गरेको कार्यक्रमको अनुगमन
रामेछाप । असार
१४ गते,पुरानागाऊँ महिला बचत तथा ऋण सहकारी संस्थाद्वारा सञ्चालित कार्यक्रमहरुको जिल्लास्तरीय अनुगमन गरिएको छ । महिला तथा बालबालिका कार्यालय अन्तर्गतको लैगिक मुलप्रवाहिकरण समन्वय समितिको समन्वयमा कार्यक्रम भएको हो ।
कार्यक्रममा प्रमुख जिल्ला अधिकारी प्रकाशचन्द्र अधिकारीले पुरानागाऊँका महिलाहरुले भोग्दै आएका समस्या र चुनौतिकोे बारेमा महिलाहरुसँग छलफल गर्नुभएको थियो । महिला माथि हुने जुनसुकै हिंसाको घटनाहरु क्षमायोग्य नहुने भएकाले बेलैमा सत्यतथ्य घटनाहरुको बारेमा प्रहरीलाई उजुरी दिन सबैसँग आग्रह उहाँले आग्रह गर्नुभयोे ।
महिला तथा बालबालिका कार्यालयकी अधिकृत सुशिला वाग्लेले रामेछापको पुरानागाऊँ धेरै महिला हिंसा हुने गाविस मध्ये एक भएकाले महिलाहरुको लागि विभिन्न सचेतनामुलक कार्यक्रमहरु सञ्चान गरिएको बताउनुभयो । उहाँलेले सचेतनाको कमि र उजुरीमा गरेको ढिलाईले पीडकले उन्मुक्ति पाएको भन्दै महिला तथा बालबालिका कार्यालय यसलाई रोक्न लागि परेका बताउनुभयो ।
संस्थाले सो गाविसका विभिन्न ८ ओटा वडामा समिति बनाएर महिला सम्बन्धी सचेतानामुलक कार्यक्रमहरु गर्दै आएको संस्थाकी अध्यक्ष हिरा गिरीले जानकारी दिनुभयो । अनुगमन टोलीमा जिल्ला प्रहरी कार्यालय प्रमुख मोहन कुमार परियार, जिल्ला कृषि विकास कार्यालयका वरिष्ठ कृषि विकास अधिकृत राजेन्द्र कुमार मल्ल, पशुसेवा कार्यालयका वरिष्ठ पशु विकास अधिकृत ज्ञान बहादुर थापा, घरेलु तथा साना उद्योग विकास समितिका वरिष्ठ उद्योग अधिकृत राजेन्द्र कुमार श्रेष्ठ, जिल्ला वन कार्यालयका सहायक वन अधिकृत राम सुन्दर शाह नेपाल पत्रकार महासंघका उपाध्यक्ष युनिक विफा घिसिङ लगाएतको सहभागिता रहेको थियो
0 Response to "पुरानागाउँका महिलाले सञ्चालन गरेको कार्यक्रमको अनुगमन"
Post a Comment